Schriftgrösse: A A A

Encurir | Sitemap

Uffeci da taglia (steueramt@laax-gr.ch)

Taglia sin entrada e facultad
Il pei da taglia dalla vischnaunca da Laax munta a 58% dalla taglia cantunala sempla.

Taglia sin schischom

La taglia sin schischom importa 1 o/oo dalla valeta fiscala alla fin digl onn calendari.

Taglia da baselgia
La taglia da baselgia catolica importa 10%, l’evangelica 15%. Ella vegn calculada sin fundament digl import dalla taglia cantunala.

Taglia sin midada da maun
La taglia sin midada da maun munta a 2% dil prezi da vendita.

Taglia sin gudogn da vendita da schischom

La taglia sin gudogn da vendita da schischom vegn incassada dalla vischnaunca sco era dil cantun. Ella importa 100% dalla taglia cantunala. Taxaziun ed incasso succedan entras il cantun.

Taglia sin la part d’ierta
En la vischnaunca da Laax valan las tariffas suandontas:

Liberai dalla taglia sin la part d’ierta ein:
Il conjugal survivent; las partenarias registradas ed ils partenaris registrai; ils descendents, ils affons figliasters ed ils affons confidads sco era lur descendents; las persunas ch'ein liberadas dalla taglia sind midada da maun tenor il dretg cantunal; ils partenaris da concubinat; ils geniturs.
 
La taglia importa
– 3% per il tschep dils geniturs;
– 6% per il tschep da tat e tatta;
– 15 % per las ulteriuras persunas benefiziadas.

Taglia sin donaziun

Cheu valan las medemas disposiziuns sco tier la taglia sin ierta.

Taglia alla fontauna

Suttamess alla taglia da fontauna ein tuts luvrers digl exteriur, ch'ein buca en possess dalla lubientscha da dimora attest C, cun dimora el Cantun Grischun e lavuran sco emploiai dependents.

Quei vala per burgheis dall'UE/EFTA cun:
Lubientscha da dimora cuorta UE/EFTA (attest L)
Lubientscha da dimora annuala UE/EFTA (attest B)
Lubientscha da frontalier UE/EFTA (attest G).

Buca-burgheis dall'UE/EFTA cun:
Lubientscha da dimora cuorta (attest L)
Lubientscha da dimora annuala (attest B)
Attest per jesters cun domicil provisoric (attest F)
Attest per requirents d'asil (attest N)
Attest per basegns da protecziun (attest S).

Il rendaquen dalla taglia alla fontauna ha da succeder naven digl 01-01-2014 directamein cun l'administraziun da taglia dil Cantun Grischun, secziun taglia alla fontauna, Steinbruchstrasse 18, 7001 Cuera.

Ulteriuras informaziuns anfleis Vus sut www:stv.gr.ch/taglia alla fontauna


Taglia da tgauns
La taglia per igl emprem tgaun munta a frs. 50.–. Per mintga ulteriur tgaun el medem tenercasa importa la taglia frs. 150.–.

Tenor la lescha da tgauns dalla vischnaunca da Laax ein ils possessurs obligai d’annunziar lur tgauns.

Uras
d'avertura canzlia

Gliendisgis - Vendergis
09.30 tochen 11.30
15.00 tochen 17.00

Telefon:
081 921 51 51

E-Mail:
admin@laax-gr.ch


Adressa:
Center Communal
caum postal 16
7031 Laax

Plan da la situaziun
Plan dal vitg